Ukraina Vitse baş naziri İrına Vereşçuk, ruslarnıñ sanki mevcut “Azovstal”dan koridor aqqında beyanlarını tefsir etti.

“Bugün rus tarafı, grajdanlarnıñ “Azovstal”dan çıqmaları içün, koridornıñ bar olğanını daa bir kere ilân etti. Ruslar bundan evel gumanitar koridorlarnı çoq kere bozmasa ediler, buña inana bilir edik. Aytqanımnı bilem, çünki Prezidentniñ emrine mücibi bu tür aytışmalarnı şahsen özüm keçirem ve gumanitar koridornıñ teşkil etilmesi üzerinde çalışam.

Bir tarafnıñ tasdıqlağanı anons etilgen koridor, telükesizlikni temin etmez ve bunıñ içün gumanitar bir koridor olmay.

Neticesinde, resmen ve halq ögünde ilân etem: yazıq ki, bugün içün “Azovstal”dan gumanitar koridor aqqında añlaşmamız yoq”.

İrına Vereşçuk haberdar etti ki, Ukraina BMTnıñ Baş kâtibi Antonio Ğuttereşke “Azovstal”dan gumanitar koridornıñ teşebbüsçisi ve kefili olması isteginen muracaat etti.