Reintegratsiya nazirliginiñ emrinen tasdıqlanğan territorial cemaatlarnıñ cedveli turğan degil – olar er vaqıt yañartılır. Onıñ temelinde de devlet içinde alınğan kişilerge (DAK) ödemeler yapılır.

Mezkür cedvel, ilgili vilâyet, Kıyıv şeer arbiy memuriyetleriniñ teklifleri esasında şekillendirilir.

Esaslanğan üç kriteriy bar:

• vaqtınca işğal etilgen topraqlar;
• qırşavlanğan (bloklanğan) topraqlar;
• faal arbiy areketler olğanı topraqlar.

Reintegratsiya nazirligi, Mudafaa nazirliginiñ tasdılamasınen bu tür topraqlarğa dair emirlerni şekillendirir.

Aprel ayınıñ 25-i itibarınen cedvelge 8 vilâyet kirsetildi, bu cümleden: Herson, Harkiv, Mıkolayiv, Donetsk, Lugansk, Odesa ve Zaporijjâ vilâyetleriniñ territorial cemaatları. Qayd etemiz ki, cedvelde Donetsk ve Lugansk vilâyetleriniñ cemaatları bar.

Mezkür vilâyetlerniñ birinde qayd olsañız, cedvelde cemaatıñız olmasa, siziñ arbiy memuriyetiñizge hitap etmege tavsiye etemiz (şahsen ya da sıcaq hat vastasınen) ve malümatnı soraya bilirsiñiz.

Şu anda arbiy areketler rayonlarında yerleşken ya da vaqtınca işğal etilgen, qırşavlanğan (bloklanğan) territorial cemaatlarnıñ Cedveliniñ yañartılması devam ete. O, yaqın zamanda yayınlanacaqtır.

Qoşmağa isteymiz ki, mayıs ayından Reintegratsiya nazirligi, Raqam nazirliginen beraber vaqtınca işğal etilgen, qışavlanğan (bloklanğan) ve faal arbiy areketlerniñ olğanı topraqlar kerçek vaqıtlı olaraq kösterecek bir raqamiy platformanı başlatmaya planlaştırır.