Ukraina Vitse baş naziri İrına Vereşçuk inandırdı: Ukraina, duşman üstünde ğalebe qazanmaq içün er bir fırsatqa saip ola. Acele kerekli tek şey uyğun silâ.

«Qazanma fırsatımız olğanından bir an bile şübem yoq, – fren LCI telekanalına intervyü bergende dep memur qayd etti. – Faqat arbiy destek tez ve acele olmalı. Mında ve şu anda silâğa ihtiyacımız bar. Duşmannı toqtatmaq ve qarşı ücüm etmek içün ne mayıs ayınıñ 10-unda, ne de mayıs ayınıñ 20-sinde, yaqın künlerde ise!»

O hatırlattı ki, rusiye tüm dünyanı ateşke tutumağa istey. Tamam bunıñ içün Ğarp ve bütün medeniyleştirilgen dünya bu kerçeklikni añlamalı ve putinni toqtatmalı.

«Avropanı gaz, benzin ya da qullanıla bilecek diger aletlerden marum etmesi beklenmez. Aksine, putinni toqtata bilecek tedbirlerni keçirmek kerek ve tek bu birdemlik üçünci dünya cenkiniñ ögüni almağa imkân berecektir»,- dep İrına Vereşçuk qayd etti.