Rfnıñ Ukrainağa tolu masştablı tecavuzı sebebinden devletimizniñ büyük parçası, patlayıcı şeylernen kirlendi. Arbiy areketler yerlerinde qalğan patlayıcı şeylerniñ uyğunsız ya da diqqatsız bir şekilde qullanılması sebebinden grajdanlarnıñ yaralanması ya da ölmesi telükesi pek arttı.
Bunıñ içün Ukrainanıñ vaqtınca işğal etilgen topraqlarınıñ reintegratsiya meseleleri nazirligi, ukrainalılarnı saqlamaq ve ayatını qurtarmaq içün mina telükesine dair malümat kampaniyasını muntazam tarzda keçirmektedir.
Böylece, aprel ayınıñ 7-sinde Reintegratsiya nazirliginiñ teşebbüsine ve “Ukrzaliznıtsâ” ATnıñ yardımınen demir yol vokzallarınıñ monitorlarında, yolcu trenlerinde ve İntesiti, İntersiti+ ternlerinde mina telükesizligi tadbirlerine dair malümat kampaniyası keçrekleşe.
Hatırlañız! Şübeli bir şey körseñiz – böyle talimatqa riayet etiñiz:
- Toqtañız ve asla toqunmayıñız.
- Sakin oluñız ve eñ az 100 mertlik mesafe bıraqıñız.
- Ancaq o zaman 101, 102 ya da 103ke telefon etiñiz.
- Telüke aqqında haberdar etip tapqanıñız şeyge kimseni yibermeñiz.
- Qurtarıcılarnı bekleñiz ve ayatıñıznı qurtarıñız.
Ayatıñıznı saqlañız!