Vitse baş nazir İrına Vereşçuk haberdar etti ki,

Prezident Zelenskıynıñ BMTnıñ Baş kâtibi Antoniy Ğuterrişnen bugün olğan körüşmesi neticesinde “Azovstal”daki grajdan insanlarnıñ qurtarılması içün ümüt bar.

“«Azovstal»daki grajdanlarmı tahliye ete bilecegimizge dair ümüt peyda oldı. Prezident ve taqımı çoq ğayret köstereler. Bu, eñ müim prioritetlerden biridir. Gumanitar operatsiyanı planlaştırmağa başlaymız'” – dep Vereşçuk haberdar etti.

Daa Vitse baş nazir, baş nazirniñ reberliginen Ükümet vekilleriniñ yüksek musafirinen yapqanı körüşmeni añlattı:

«Nazir Denıs Şmığalnen ve Ükümetten işdeşlernen beraber BMTnıñ Baş kâtibi Antoniy Ğuterrişnen körüşmeni keçirdik. Mariupol, hısusan “Azovstal” içün gumanitar operatsiyanı muzakere ettik»,- dep Vereşçuk daa tafsilâtlı ayttı.