Ukraina vitse baş naziri İrına Vereşçuk, bugün aprel ayınıñ 15-inde gumanitar koridorlar vastasınen keçirilgen tahliye neticelerini añlattı.

Mariupol ve Berdânsktan Zaporijjâğa gumanitar koridorlar vastasınen öz naqliyatınen 2 494 kişi keldi.

Bu cümlden: 363-ü kişi Mariupoldan.

Zaporijjâ vilâyetiniñ Poloğı, Vasılivka, Berdânsk ve Melitopol şeerlerinden daa 2 131 kişi çıqtı.

Muntazam ateşlerge baqmadan bugün Lugansk vilâyetiniñ Lısıçansk, Severodonetsk, Rubijne, Kreminna, Popasna şeerlerinden ve Ğirske qasabasından 370 kişi tahliye etildi.