Teleintervyularından birinde vitse baş nazir İrına Vereşçuk bunı bildirdi. O hatırlattı ki, şu anda Ukrainada 4,8 million devlet içinde alınğan kişi qayd etildi. Olarnıñ aqiqiy sayısı ise tahminen 7 milliondır.

Memurnıñ sözlerine köre, devlet mümkün olğan tarzda köçip kelgenlerni destek etmege ıntıla. Keçken sene bücetten yaşayışqa 55 mlrd girvnalıq yardım ödendi. Olar gumanitar yardım, aşayt mahsulatı, urba, ilk kerekli eşyalarnı alalar. Bundan ğayrı, yeRobota ükümet leyhasını muvafaqiyetnen kerçekleştireler – 6 programmağa köre grant almaq imkânı.

“Amma yardım tek bu şeyler olmamalı. O çeşitli taraflı olmalı. Bu, em yañı yaşağanları yerlerde DAKniñ içtimaiy uyğunlığı, em olarnıñ iş tapmalarına yardım etüv, em de başqa sakinler içün bütün imtiyazlarnı aluv. Olar, ellerini çekip beklememeliler, cemaatnıñ tam qıymetli azaları olmalılar. Aynı zamanda öz mustaqilligini duymalılar, öz, balaları ve ana-babalarınıñ yaqın keleceginden emin olmalılar. Bunıñ içün 2023 senesi bizim vazifemiz – bunı yapmaq içün mümkün olğan çoq usulnı tapmaqtır. Şu cümleden, bizim halqara ortaqlarımıznıñ yardımınen”, – dep İrına Vereşçuk hulâsa çıqardı.