Pokrovsk şeerinden Viktoriya Karpova bütün ayatı boyunca tikiş işini yapa edi. Qartanasından ögrengen aves yavaş yavaş para ketirmege başladı, bundan soñ da öz biznesine yarattı. Böylece “Pokrovçanka” brendi meydanğa keldi.

Kiçik aynıñ 24-üne qadar usta Slovyanskta çalışa, er kün ana Pokrovsktan işke kete edi.

“Men saat 04:00te uyana, bir tarafqa 3 saatlik seyaatqa çıqa edim. Amma bu işni pek begene edim. Men çoq şey yapa edim, em de kitaplarnı oquy edim!”, – dep Viktoriya añlata.

Faqat rus ordusınıñ Ukrainağa tolu miqyaslı tecavuzınıñ başlanğıcınen er şey deñişti. Qadın öz cihazlarını İlbav şeerine ketimege mecbur qaldı. Viktoriya, Ukraina Silâlı Quvetleri içün tikmege başladı.

“İlbavğa ketkende çalışmağa ketecegimni añladım. Bunıñ içün brendimni inkişaf etmek, yañı kolleksiyalarnı yaratmaq bütün hayallerim ve arzularımnı kelecek içün qaldırdım. Çünki Ukraina SQ içün urba tikmek – esas arzum oldı, çünki oğlanlar kiyinmek kerekler. Menim urbamnıñ askerlerimizni isitkeni ve qorçalağanına inanmağa pek isteyim!” – değ usta ayttı.