CEMAATNIÑ DİQQATINA!

Ukrainanıñ vaqtınca işğal etilgen topraqlarınıñ reintegratsiya meseleleri nazirligi, ReNazirliginiñ faaliyetinde mümkün olğan qabarcılıq telükelerine dair tekliflerni toplar.

Qabarcılıq telükeleri – akimiyet organınıñ tesbit etlgen maqsatlar ve vazifelerni yetişmesine menfiy olaraq tesir etecek qabarcılıq qanun bozması ya da qabarcılıqnen bağlı qanun bozma vaqiasınıñ olma ihtimalidir.

ReNazirliginiñ normativ-uquqiy aktlarında ve teşkiliy-idare faaliyetinde qabarcılıq telükeleri sebeplerini tapmaq içün ReNazirliginiñ tış ve içeri boşluğını araştıruv (talil) yolunen ReNazirliginiñ faaliyetinde qabarcılıq telükeleri (tapılır) identifikatsiya etilir.

İçeri boşluq – akimiyet organında mevcut olğan ve akimiyet organınıñ qanunlarda qayd etilgen işler ve vazifelerni yerine ketirmesini temin etmege yönelgen teşkiliy-idare ceryanlarıdır. 

Tış boşluq – akimiyet organınıñ vazifelerni yapmasına tesir etken, amma bu tür organnıñ bu faktorlarğa tesir etmegen tış boşluqnıñ faktorlarıdır (qanuniy, başqa normativ-uquqiy aktlar, tamam akimiyet organınıñ qabul etkeni aktlaradan ğayrı, tabiat körünişleri v.b.).

Qabarcılıq telükesiniñ faktorları – devlet ya da yerli öz idare vazifelerini yapqanda vazifeli olğan kişiniñ qabarcılıq qanun bozmaları ya da qabarcılıqnen bağlı qanun bozmalarnı yapma neticesi ola bilgen areketlerini rağbetlendirgen, yaratqan ya da izin bergen şartlar ve sebeplerdir.

Akimiyet organınıñ faaliyetini idare etken normativ-uquqiy aktlar, akimiyet organınıñ qabarcılıq qanun bozması ya da qabarcılıqnen bağlı qanun bozmanı rağbetlendirgen diskretsiya vazifeleri ve qaideleri (açıq ifade etilmegen manalar ve til yapılışları, uquqiy koliziyalar v.b.) yapmasına dair normalarnı tapma sebebi üzerinde talil etilir.

Akimiyet organınıñ teşkiliy-idare faaliyetinde qabarcılıq telükeleriniñ identifikatsiyası, aşağıdaki meselelerni oquv ve talil etüvni esapqa alır:

• akimiyet organınnıñ teşkiliy qurulışı; – içeri kontrol sisteması;
• hadimlerni idare etüv; – satın aluv protseduralarını keçirüv;
• “Qabarcılıq evelden yoq etüv aqqında” Ukraina Qanunında tesbit etilgen talaplar, sıñırlamalar, yasaqlarnı riayet etüv;
• akimiyeet organınıñ faaliyetine tesir etken başqa meseleler.

Lütfen,  “Qabarcılıq telükelerini qıymetlendirüv” mevzusında teklifleriñizni [email protected] elektron poçtasına yollañız. Telefon nomerası: +380 (44) 355 14 75

ReNazirliginiñ işçileriniñ beyanat yollamaları içün elektron poçta: [email protected] 

“Vatandaşlarnıñ hitapları aqqında” Ukraina Qanunına mücibi, tekliflernen mektüpler vatandaşlarnıñ hitapları olaraq baqılmaz, bunıñ içün olarğa cevap bermeye bilir.