Bir qaç aydır VİETda rus işğalcileri pasportlaştıruvnı mecburen keçirmege tırışalar, dep Donetsk VDM haber berdi. Olarnıñ strategik maqsadı – öz vaqtınca “akimiyeti”ni qanunlaştırmaq ve sahte referendumlarnı keçirmek içün temel qoymaq, öz ordusına daa çoq kişini mobilizatsiya etmek maqsadınen mümkün olğan çoq ukrainalını cedvelge kirsetmektir.

rf pasportını alğan iş yaşındaki bütün vatandaşlar, işğal ordusınıñ askeri avtomatik olaraq ola bilir. İşğalcilerniñ cebede balaban ğayıpları bar – UMNniñ bilgilerine köre, kiçik aynıñ 24-ünden başlap olarnıñ sayısı 42 biñ kişidir. Bunıñ içün duşman, mecburiy mobilizatsiya eterek, “pasportlaştırılğan” ukrainalılar vastasınen öz ordusını daa sıq yañartacaq.

Bildirildi ki, vitse baş nazir İrına Vereşçuk qayd etti: VİETda mecburiy pasportlaştıruv – halqara seviyeli bir cinayettir ve Ukraina makemekerge davalarnı endi azırlay. Cinayetke ait olğan er kes mesüliyet alacaq.