Fondnıñ eyyetiniñ oturışında bu qarar berildi. O, bu sene çiçek ayından şu anğa qadar arbiy esirler deñişmeleri çerçivesinde esirlikten qaytarılğan 52 ukrain qadınına bağlıdır.

Şu cümleden, berim ayındaki eki deñişme neticesinde Vatanğa kelgen ukrainalılarğa dair.

Kelecek afta daa 13 kreml esirine dair qarar berilecek.

Er bir qadın, öz bank esabına bir kere tahminen 80 biñ grivna alacaq.

Minnetli aziz azapçı Klımentiy Şeptıtskıy adına fond, ukrain qadınlarına tek maliveyiy yardım degil berir.

Bundan ğayrı o, duşmannıñ esirliginde canavar şartlarından azap çekmege mecbur olğan qadınlarğa Lehistanğa raatlıq-rebilitatsiya seyaatını ve ruhiy destek teklif eter. O, ruhiy mesleatlar olaraq berilir.

Fondnıñ ayrı programması – tek askerler olğan degil, em de grajdan olğan bir ya da eki ana-babasını coyğan ukrain balalarını destek etmektir. Er ay bu tür balalarğa 5 biñ grivnalıq maliyeviy yardım ödenir. Ödeme ilk ayı – yardım arizası berilgen aydır. Ödemeler, 2022 senesi ilk qış ayınıñ soñuna yani leyhanıñ soñuna qadar yapılır.

Fondnıñ saytında yardım arizası online şeklinde toldurılır ve berilir https://sheptytskyfund.pl/

– sadece formanı toldurmaq kerek.

Ariza bermek içün esiqalarıñız olmasa, sulleriñiz peyda olsa ya da malümat tafsilâtlıca ögrenmege isteseñiz, aşağıdki telefon nomerasına hitap etiñiz:

+38 093 213 76 96 Oksana Pohoda.

Hatırlatamız ki, Ukraina vitse baş naziri İrına Vereşçuk ve lehistan Ükümetiniñ orta teşebbüsinen Minnetli aziz azapçı Klımentiy Şeptıtskıy adına fond teşkil etildi. Arman ayınıñ 17-sinde Fond, ilk yardım arizalarını almağa başladı.