Ukrpoştanıñ mobil bölükleri vastasınen Harkiv vilâyetiniñ işğalcilerden azat etilgen Balakliya ve Hrakovo şeerlerinde ilk pensiyalar ödendi. Evlerinden çıqamağan pensiyacılarğa aftanıñ soñuna qadar para evlerine ketirilecek.

 

Şu anda çiçek, mayıs ve berim ayları içün – Ukraina pensiya fondunıñ (UPF) bilgilerine köre ödemeler yapıla. Başa aylar aqqında bilgiler peyda olur olmaz, olar içün de para ödenecek. Beklenile ki, oktâbr ayınıñ başlanğıcında böyle imkân olacaq.

 

Sentâbr ayınıñ 10-unda İşğalden azat etilgen topraqlar meseleleri koordinatsiya ştabınıñ oturışınıñ neticelerine mücibi, Harkiv vilâyetiniñ işğalden azat etilgen meskün yerleriniñ sakinlerine pensiyanı ketirüv ve ödev ceryanının bağlı qararlar berildi.

 

Qayd etemiz ki, şu anda azat etilgen topraqlarda yaşağan vatandaşlarnıñ deyerli buçuq sene devlet içtimaiy ödemelerini (şu cümleden, pensiyalarnı) alma imkânı yoq edi. Aynı zamanda para er ay ayırıla edi. Şu anda işğalden azat etilgen topraqlarda devlet pensiyacılarğa ayırılğan para eñ çabik tarzda ödemege tırışa.

 

Ukrpoşta vastasınen kim pensiya ala bilir?

Şu anda Ukrpoşta vastasınen tek onıñ müşterileri – keçkende Ukraina pensiya fonduna arıza yazğan insanlar para ala bilirler. UPFnıñ sicillerine mücibi de ödene.

 

Bank kartlarına pensiya alğanlar ne yapmalılar?

Bank kartlarına pensiya alğan ve naqıt alamağan pensiyacılar bir ariza yazıp, Ukrpoştada onı ala bilirler. O zaman olar poçtanıñ bölüginde ya da mobil böluginde para alacaqlar.

 

Şu anda Oşçadbank ve Prıvatbank, Ukrpoşta vastasınen pensiyanı vaqtınca ödemek içün, cedvelni yazıp quralar.

 

Em de banklarnıñ müşterisi olğan pensiyacılar içün kartlardan naqıt aluv ceryanı böylece temin etilecek:

–  avtobuslar vastasınen eñ yaqın çalışqan bölükke ketüv teşkil etilecek;

– naqıt para bericilerniñ işi yañıdan başlatılcaq;

– tükânlarnıñ kassalarında naqıt almaq mümkün olacaq.

 

Şu anda poçtanıñ statsionar bölükleri çalışalarmı?

Poçtanıñ statsionar bölüklerini yañıdan açmaq içün elektrik teminatını ve bağ yañıdan qurmaq kerek. Bu iş devam ete.

 

Sualleriñiz olsa, ya da vilâyet arbiy memuriyetinen bağanamasañız, yardım almaq içün ReNazirligine hitap etiñiz:

15-48 – ReNazirliginiñ 24 saat çalışqan buhran meseleleri sıcak hattı;

+38 (066) 813-62-39 – DAK meseleleri vekiliniñ sıcaq hattı.

 

Biznen er vaqıt bağlana bilirsiñiz!