Çeh ČT24 telekanalına intervyu bergende Ukraina vitse baş naziri İrına Vereşçuk bunı bildirdi. O eminligini bildirdi ki, ukrain yarımadası tecavuzcılardan mıtlaqa azat etilecek. Bu, tek vaqıt meselesidir.

Onıñ sözlerine köre, o azat etilecek tamam soñ Ukrainanıñ uquqiy, malümat ve içtimaiy-iqtisadiy saalarında qaytaruv faal ceryanı başlaycaq. Amma endi bugün ReNazirligi maqbul iş yapa.

“Ukraina Prezidenti Volodımır Zelenskıynıñ tasdıqlağanı işğalden azat etilecek soñ Qırımnı yañıdan quruv strategiyasına deñişmelerni azırlaymız. Buña baqmadan onı yerine ketirüv planı deñişmegendir. Birinciden laf devlet akimiyeti, uquq qorçalayıcı organları ve makemelerniñ faaliyetini yañıdan başlatuv, mülkni qaytaruv, sanktsiyalar ve işğalcilernen işdeşlik yapqan kişilerni mesüliyetke çeküv. Biz añlaymız ki, anda em ukrainalılar, em qırımtatarlar, em de başqa tamır halqları bar. Amma ve lâkin, rusiyeniñ müstemlekecileri de bar. Eñ yahşı tarzda olar ketmege mecbur olacaqlar. Amma eger olar cinayet yapsalar, ukrain qanunlarına mücibi cevapkâr olırlar”, – dep memur tafsilâtlıca añlattı.

İrına Vereşçuk, Qırımnıñ sakinlerine qıtaviy Ukrainanen alâqa coymamağa ve bütün ukrain vesiqalarını saqlamağa teklif etti. İmkânı olsa, üçünci ülkeler vastasınen Ükümetniñ kontrol etkeni topraqqa acele tarzda tahliye etmege çağırdı.