“Qırım.Aqiqat”nıñ canlı yayınında Ukraina vitse baş naziri İrına Vereşçuk bunı bildirdi. O añlattı ki, hadimler yedegii yaratuv, yarımadanıñ işğalden azat ve reintegratsiya etilmesi içün temeldir. Bunıñ içün şimdi Nazirler Kabinetiniñ maqbul buyruğı azırlana.

“İşğalden azat etilgen Harkiv ve Herson vilâyetleriniñ tecribesine köre, biz evelden hadimlerni azırlaymız. Bir qaç oturış keçirildi, icra akimiyet merkeziy organları ve VAM öz tekliflerini bermek emrini aldılar. Kiçik aynıñ soñuna qadar olarnıñ cevaplarını alacaqmız, olarnı umumiyleştirecekmiz ve saban ayında hadimler yedegini şekillendirüv çerçivesine dair teşebbüsnen çıqacaqmız”, – dep vitse baş nazir tafsilâtlıca añlattı.

Onıñ sözlerine köre telükesizlik, uquq qorçalayıcı faaliyet, yerli öz idare organlarınıñ işi saalarında saylanğan memurlar vazifelerini yapacaqlar. Kelecek hadimlerge esas talaplar arasında öz vatanperverligi ve mütehassıslığı olacaq.

“Bu tür kişilerden tek reberlik degil, em de bizim ukrain işğalden azat etilgen Qırımda devletlikni yañıdan yarataca akimiyet qısmını şekillendirecek. Olar aralarında işğalniñ bütün seneleri devamında basım çekken tamır halqlarınıñ vekilleri mıtlaqa olmalılar”, – dep İrına Vereşçuk hulâsa çıqardı.