Nazirler Kabineti, vatandaşlarnıñ eñ zayıf kategoriyalarına ayrı içtimaiy hızmetlerni berüvge dair deñev leyhasını kerçekleştirüv aqqında qarar berdi. Laf, arbiy areketler ya da vaqtınca işğal sebebinden zor yaşayış vaziyetlerine oğraşqan insanlar aqqındadır.

İçtimaiy siyaset nazirliginiñ idare saasına ait olğan sağlıq müessiselerinde içtimaiy hızmetler berilecek. Şu cümleden, bu tür müessiseler arasında  – Truskavets ve Mırhoroddaki ayrı sanatoriyler. 

Deñev leyhasını kerçekleştirüv çerçivesinde 4 içtimaiy hızmet esapqa alındı:

– mesken berüv,

– destek etilgen yaşayış,

– statsionar baquv,

– içtimaiy adaptatsiya.

Devlet içinde alınğan qart ve saqatlı insanlarğa mezkür hızmetler bedava olaraq berilecek. Böylece, eñ zayıf vatandaşlarğa tek mesken degil, em de şahsiy ihtiyaclarğa köre içtimaiy destek te berilecek.