Bugün Gaagada HCMniñ kâtibi Piter Lyüisnen Baş prokuror Andriy Kostin Ukrainada Halqara cinaiy makemeniñ vekilligini açma aqqında añlaşma imzaladı.

Bu añlaşma, Ukrainağa qarşı yapılğan halqara cinayetlerde qabaatlı olğan er kesni çabikçe mesüliyetke çekmege yardım etecek. Şu cümleden, rfnıñ cinaiy refjiminiñ reberligini de.

Tecavuzcı bir devletniñ iç bir qorqutması, adaletni ve yapılğan cinayetler içün tolu mesüliyetni temin etmege toqtatmaycaq. İç bir faktorğa baqmadan, Ukrainanıñ HCMnen işdeşligi devam etecek.

Hatırlatamız ki, saban ayınıñ 17-sinde Halqara cinaiy makemeniñ (HCM) II Makemeden evelki taqiqat palatası, rusiye prezidenti vladimir putinni ve rf prezidentiniñ bala meseleleri vekili olğan mariya lvova-belovanı apis etmek içün order berdi. Olar, balalarnı Ukrainanıñ işğal etilgen rayonlarından rusiye federatsiyasına qanunsız sürgün etüv ve ketirüv cenk cinayetini yapmağa şübeleneler.