Nazirler Kabineti, Qırım Muhtar Cumhuriyeti ve Aqyar şeerini işğalden azat etüv ve reintegratsiya etüv strategiyasını yerine ketirüv tedbirleriniñ planına deñişmelerni tasdıqladı.

Cenk vaziyeti şartlarını esapqa alıp, ReNazirligi Strategiyanı yerine ketirüv tedbirlerini yañarttı. Şu cümleden, yaqın kelecekte yarımada azat etile bilir.

Umumen mezkür plan, aktualleşken 127 tedbirden ibaret ola.

Mükemmelleştirilgen yarımadanı reintegrtasiya ve işğalden azat etüv planı aşağıdaki saalarnen bağlı:

– qanuniy menfaatı silâlı tecavuz neticesinde bozğan Ukraina vatandaşlarınıñ ve uququiy şahıslarnıñ aqlarını qoruma;

– içtimaiy ve gumanitar siyaset;

– halqara işdeşlik;

– iqtisadiy siyaset;

– mudafaa ve telükesizlik saası v.i.

Bundan ğayrı, aşağıdaki yañı tedbirler kirsetildi:

–  “İşğalden azat etilgen topraqlarda uquqiy rejim aqqında” qanun leyhasını azırlav;

– makeme, uquq qorçalayıcı devlet organları içün hadimler yedegini şekillendirüv;

– Qırım MCniñ topraqlarında faaliyet etmek içün arbiy memuriyetni teşkil etüv;

– tibiyet, cenk veteranlarınıñ ve rus esirliginden azat etilgen insanlarnıñ reabilitatsiya, ruhiy adaptatsiyası.

“Qırımnı işğalden azat etüv yaqınlaşa. Endi şimdi devlet, Qırımda ukrain akimiyetiniñ tamamınen yañıdan çalışacağına azırlanmalı. Birinciden – yañıdan quruv işançlı hadimler yedegini yaratmaq kerek. Bu vatandaşlar, tek devlet idaresini degil, adliye de yañıdan doğurmalılar. Bizim açıq aydın areketler planımız bar, er bir maddesiniñ muayyen yerine ketiricisi bar”, – dep İrına Vereşçuk qayd etti.