“Rada” telekanalınıñ canlı yayınında Ukraina vitse baş naziri İrına Vereşçuk bu aqqında haber berdi. O hatırlattı ki, rusiye 4396 öksüz balanı qanunsız olaraq vaqtınca işğal etilgen topraqlarda tuta ve rusiyeniñ topraqlarına qanunsız olaraq ketirdi.

Bunıñ içün Andriy Yermaknıñ başlığınen Balalarnı qorçalav ve telükesizlik meseleleri idare şurası, halqara birleşmeni şekillendirmege çalışa. Onıñ vazifesi – ukrain öksüz balalarnı qaytarmaq ve ukrain balalarına qarşı cinayetlerde qabaatlı insanlarnı cezalandırmaq olacaq.

“Bu işte dünya cemaatnıñ yardımı bizim içün pek müimdir. Şu anda bu tür birleşmeni halq ögündeki destegini bildirgen halqara liderler gruppası şekillene. Olar aralarında Ursula fon der Layen, Mateuş Moraşetskıy ve başqaları. Bundan ğayrı bir aracı olmalı. Er kes o ola bilir: Halqara Qırımızı Haş Eyyeti, BMTnıñ UVKB, UNICEF v.i. Ümüt etem ki, yaqın kelecekte bu tür platforma çalışmağa başlaycaq”, – dep İrına Vereşçuk hulâsa çıqardı.