Bugün esirlerniñ daa büyük bir deñişmesi keçirildi. Evlerine qaytqan mudafaacılar aralarında 80 erkek ve 20 qadın.

Şu cümleden esirlikten milliy gvardiyanıñ 24 askeri, 22 sıñırcı, arbiy-deñiz quvetleriniñ 22 askeri, Ukraina Silâlı Quvetleriniñ 21 askeri ve 11 topraq mudafaacısı qaytarıldı.

Deñişme Prezidentniñ Ofisi, UMNniñ İstihbarat Baş İdaresi, Ukraina Telükesizlik Hızmetive ReNazirliginiñ yardımınen keçirildi.

Azat etilgen askerlerni körüşüv ceryanında ReNazirliginiñ uzurında Milliy malümat bürosınıñ vekilleri iştirak ettiler.

Keçken deñişmelerden alğan tecribege köre belli ki, azat etilgen mudafaacılarnıñ ilk yapmağa arzu etkenleri şey – ellerine Ukraina bayrağını almaqtır.

Bunıñ içün bugün azat etilgen qorçalayıcılarımız bu tür bayraqlarnı aldılar. Ve ilk kerekli eşyalarnen (cep telefonı, urba ve ayaqqabı, gigyena eşyaları ve termosta sıcaq çay) taqımlarnı berdiler. Olarnı ReNazirliginen beraber MMB azırladı.

Bundan ğayrı, Milliy malümat bürosı, azat etilgen mudafaacılarnıñ içtimaiy qorçalanmasını ve ilk yardımnı temin ete: yaqınlarınen telefon alâqası (sim-kart), şahsiy vesiqalar ve bank kartlarını yañıdan vesiqalaştıruv, tibbiy yardım, uquqiy yardım v.b. Em de devletten 100 biñ grivnalıq bir kerelik para yardımını almaq içün olarğa ozğaruv temin ete.