8 ay botunca Ukrpoşta, halqara teşkilatlar ve ReNazirliginiñ orta leyhası çerçivesinde işğalden azat etilgen topraqlarnıñ sakinlerine umumen 396,3 milliom grivnalıq bir kerelik para yardımı ödendi. 2022 senesi berim ayında mezkür leyha başladı ve şu anda azat etilgen topraqlarda devam ete.

Böyece, 2023 senesi çiçek ayınıñ 27-sinde Ukraina Qırmızı Haç Teşkilâtından 1200 grivnalıq naqıt paralı yardımnı eñ az 216 biñ vatandaş aldı. Olar Harkiv, Herson, Donetsk, Luhansk ve Mıkolayiv vilâyetleriniñ İATındandır.

Bundan ğayrı, Halqara migratsiya teşkilâtınıñ maliyeviy yardımınen Harkiv, Herson ve Donetsk vilâyetletiniñ işğalden azat etilgen topraqlarında yaşağan eñ az 39 biñ insanğa 2200 grivnalıq yardım endi ödendi. 3 ay devamında er insan bu tür ödemelerni ala.

ReNazirligi, Ukrainanıñ işğalden azat etilgen topraqlarınıñ sakinlerini destek etmege dair işdeşligi içün Ukrainadaki Qırmızı Haç Teşkilatı, Halqara migratsiya teşkilâtı ve Ukrpoştağa teşekkür bildire.