Eger Internet ağındaki foto ya da videoda habersiz ğayıp olğan kişini tanısañız, muayyen akeretler talimatını riayet etmek kerek.

 – Cinaiy davanı taqiq etken taqiqatçığa portret araştırmasını keçirme ricasınen hitap etmek kerek. Bedava uquqiy yardım uquqçıları ricanı yazmağa yardım etecekler.

– Habersiz ğayıp olğan kişini identifikatsiya etmege yardım ete bilgen, internette tapılğan video ya da fotonı ricağa ilâve etmek kerek.

– Üç çalışma künü devamında taqiqatçı, araştırmanı keçirmege razı olıp-olmağanı aqqında haber bermeli.

– Araştırmanıñ neticelerine köre, taqiqatçınıñ neticesiniñ kopiyasını almaq kerek. Mahsus vaziyetlerde habersiz ğayıp olğan kişiler meseleleri vekiline ve Milliy malümat bürosına mezkür vesiqanıñ kopiyasını bermek kerek.

Taqiqatçınıñ neticesi, Mahsus vaziyetlerde habersiz ğayıp olğan kişiler meseleleri vekiliniñ Ofisiniñ qıdırıcılarına habersiz ğayıp olğan kişiniñ bulunğanı yerni tezce ögrene bilir.