Bugünden tış pasport ya da Diia qullanımında elektron variantını berip, İİNniñ servis merkezleriniñ hızmetlerini ala bilirler, dep İçeri işler nazirligi haber berdi.

İnsannıñ İİNniñ servis merkezlerimde hızmetleri alması içün bergeni vesiqalarnıñ cedvelini kenişletken maqul buyruq, Ükümet tarafından tasdıqlandı.

Bundan evel kişini identifikatsiya etmek içün mecburen berilgen tek vesiqa – Ukraina vatandaşlığı pasportı edi. Ve endi mayıs ayınıñ 11-inden başalp, er bir ukrain vatandaşı İİnniñ servis merkeziniñ memuriyetçisine tış pasportını köstere bilir.

İİN hatırlata ki, servis merkezleriniñ bütün hızmetlerini almaq içün pasport köstermek kerek, şu cümleden: nazariy ve ameliy imtianlarnı tapşırmaq, aydayıcı vesiqasını almaq, naqliyat qayd etmek ya da yañıdan qayd etmek içün ve ilâhre.

Diqqat! ID-kartnıñ elektron taşıyıcısında yaşayış yeri qayd etilmese, vatandaş yaşayış yerini qayd etici şeadetname bemeli. Aynı şekilde ecnebiy ülkelerge ketmek içün qullanılğan ukrain vatandaşlığı pasportı berilse, yaşayış şeadetnamesi de berilmeli.

İİNniñ servis hızmetlerine dair mesleat almaq içün telefon etiñiz: (044) 290-19-88. İİNniñ Baş servis hızmetiniñ Facebook saifesinde ya da saytında malümat ögrene bilirsiñiz.