BMTnıñ Telükesizlik Şurasınıñ oturışında Baş kâtipniñ gumanitar meseleler muavini Martin Hriffits bildirdi ki, tolu miqyaslı rus tecavuzınıñ başlanğıcından 23 600 qurban qayd etildi. Laf, Ukrainanıñ tınç yaşağan ealisi arasında öldürilgen ve yaralanğan insanlar aqqındadır. Daa o qoştı ki, ğayıplarnıñ sayısı belki de daa büyük.

Bundan ğayrı, BMTnıñ Baş kâtibiniñ muavini qayd etti ki, bbu seneniñ birinci üç ayında Ukrainada deyerli 3,6 million insan gumanitar yardım aldı. Laf, şu cümleden, para ödemeleri, aşayt mahsulatı, tibbiy hızmetler aqqındadır.

Faqat, Hriffitsniñ aytqanına köre Donetsk, Luhansk, Herson ve Zaporijjâ vilâyetleriniñ bütün rayonlarına ketme imkânsızlığı, eñ büyük mesele qala. O qayd etti ki rusiye, işğal etilgen rayonlarda cebe sıñırı boyunca yaşağan vatandaşlarğa gumanitar yardımnı ketirmege asla imkân bermedi.