Vitse baş nazir İrına Vereşçuk, Yaşlar içün mesken binalarını qurmağa yardım etken devlet fondunıñ ve Yañıdan quruv kredit müessisesiniñ (KfW) Ukrainadaki Ofisiniñ vekillerinen körüşti.

2021 senesinden berli Ukrainada olar, devlet içinde alınğan kişiler içün irişilir kreditleştirüv programmasını muvafaqiyetnen keçirmektelerdir.

Bu vaqıt devamında umumen 892,6 mln grivna miqdarında eñ az 650 devlet içinde alınğan kişi (senelik 3%nen) kredit aldı. KfW Kredit müessisesi vastasınen Almaniya Ükümetiniñ parasınen Yaşlar içün mesken binalarını qurmağa yardım etken devlet fondu, bu grant programmasını yerine ketirmektedir.

2023 senesi DAK içün mesken kreditleştirüvini kerçekleştirmek içün halqara donorlar Ukrainağa daa 17 mln yevrolıq grantnı berecekler. 

“Bu, DAKni irişilir meskennen temin etüv eñ semereli programmalarından biridir. Zor yaşayış vaziyetinde bulunğan insanlarğa yardım etmesi içün buña ait olğan er keske teşekkür bildirem. Aynı zamanda biz, halqara donorlarnı grant programmalarına çekmege yardım etecekmiz. Bu, DAKniñ yañı cemaatqa integratsiyası içün ciddit bir meydançıq olacaq!” – dep vitse baş nazir İrına Vereşçuk qayd etti.