Halqara balalarnı qorçalav kününe bağışlanğan konferentsiyada vitse baş nazir İrına Vereşçuk bunı bildirdi.

Onıñ sözlerine köre, bir senedir Ukraina duşmanğa muvafaqiyetnen qarşılıq köstere. Cenk boşluğında muvafaqiyetsizlikleri sebebinden duşman, tınç yaşağan ealini terorr ete. Şu cümleden, ukrain balalarını, eñ zayıf vatandaşlarnı hırsızlay. 

Olarğa qarşı cinayetler – genotsid ve varvarcılıqtır, dep vitse baş nazir qayd etti. O inandırdı ki, devlet bütün balalarnı qaytarmaq ve qabaatlı insanlarnı cezalandırmaq içün mümkün olğan çoq ğayret köstere.

“Bugün dünyanıñ nasıl bunı añlağanı, buña qarşılıq köstergeni ve ne yapqanı şeyler – yarın medeniyetniñ ve cian nizamınıñ esaslarını tesbit ete. Halqara cemaatnıñ ruslarnıñ ukrain balalarına qarşı cinayetlerini tolerant etmesi – yañlış bir yoldır. Bunıñ içün biz epimiz rusiyeni ukrain balalarını ve ayrıca öksüz balalarını qaytarmağa mecbur etme imkânını tapmalımız”, – dep İrına Vereşçuk qayd etti.