Vitse baş nazir İrına Vereşçuknıñ başlığınen veteranlarnı içtimaiy qorçalav saasında devlet siyasetini şekillendirüv ve kerçekleştirüvge dair oturış keçirildi.

 

Anda Veteranlar nazirligi, Mudafaa nazirligi, İİN, Maliye nazirligi, İçtiamiy siyaset nazirligi, Sağlıq naszirligi, Raqam nazirligi ve Prezidentniñ Ofisiniñ vekilleri iştirak ettiler.

 

İrına Vereşçuk, veteranlarnıñ içtimaiy adaptatsiyasında kompleksli yönelişi ve olarnıñ kerçek meselelerini çezüv meselesine diqqat celp etti.

 

Oturışnıñ iştirakçileri mesleat berdiler ki, veteran statusını tasdıqlamaq içün protseduranı mümkün olğance qolaylaştırmaq kerek. Raqamiy aletlerni faalca kirsetip, bunı yapmaq mümkün. Şu cümleden, arbiy areketleri neticesinde yara, kontuziya ya da saqatlıqqa dair vesiqalarnı raqamiyleştirmege teklif etildi. Bu, devletten kerekli imtiyazlarnıñ alınmasını çabikleştirmege yardım etecek.

 

Bundan ğayrı, 2022 senesi kiçik aynıñ 24-ünden soñ sağlıq alından sebep arbiy hızmetten çıqarılğan insanlarnıñ sicillerini idare etken organlar arasında kommunikatsiyanıñ pekitilmesine diqqat ayırıldı. Şu cümleden, Cenk veteranlarınıñ tek devlet sicili ve salâhiyetli organlarnıñ maqbul malümat sistemaları arasında işdeşlik qurmaq.

 

Bundan ğayrı, arbiy areketlerniñ iştirakçisi statusını berüv yol-yoruğı aqqında buyruq leyhası muzakere etildi. Şu cümleden laf, 2022 senesi kiçik aynıñ 24-ünden saban ayınıñ 25-ine qadar “Ukrainanı qorçalav ceryanında vatandaşlarnıñ iştirakini temir etüv aqqında” Ukraina qanunına mücibi rusiyeniñ tecavuzı sebebinden bizim devletimizni qorçalağan insanlar aqqındadır.

 

“Cenkten qaytqan insanlarnıñ içtimaiy adaptatsiyası içün bütün kerekli resurslarnı çekmelimiz. Ukrainanı qorçalamaq içün ayatını telükege oğratqan, sağlığını coyğan insanlar adaletli ve itibarlı munasebetke aq qazandı. Devlet olaraq biz olarğa adiy yaşayışqa muvafaqiyetnen adaptatsiya etmege yardım etmelimiz”, – dep vitse baş nazir hulâsa çıqardı.