ReNazirligi, Ukrainağa qarşı silâlı tecavuz neticesinde azatlıqtan marum etilgen olaraq tanınğan insanlarğa devlet para yardımını ödemege devam ete.

Şu cümleden, mayıs ayında ReNazirligi, rus esirliginden azat etilgen insanlarnıñ bank esaplarına 20,1 mln grivna üleştirdi.

Böylece, ay devamında esirlikten azat etilgen daa 201 insan, devletten 100 biñ grivnalıq para yardımını aldı.

Qayd etemiz ki, seneniñ başlanğıcından berli ReNazirligi, esirlikten azat etilgen insanlarğa ve esirlerniñ qorantalarına endi 82,3 mln grivna ödedi.