Bugün Dnipro şeeride vitse baş nazir İrına Vereşçuk Luhansk ve Donetsk vilâyetleriniñ reberliginen oturış keçirdi. Mezkür topraqlar işğal etilecek soñ olarnı acelen uyğunlaştırıcı ve reintegratsiya areketler planını muzakere ettiler.

Donetsj VAMniñ reberi Pavlo Kırılenko ve Luhansk VAMniñ başı Artem Lısohor, areketlerniñ azırlıq vaziyeti aqqında esabat berdiler.

Laf, idare organlarını teşkil etüv ve işğalden azat etilecek topraqlarnı acelen uyğunlaştıruv ve reintegratsiya adımlar planını azırlav aqqındadır.

Telükesizlik, devlet akimiyetiniñ organlarınıñ yañıdan işlenmesi, gumanitar qarşılıq, tibbiy qarşılıq, astyapını yañıdan quruv, iqtisadiyat, içtimaiy qorçalav kibi yönelişlerde tafsilâtlıca planlar azırlana.

“Donetsk ve Luhansk vilâyetleri, rus tecavuzından eñ çoq zarar körgen bölgelerden biridir. Bunıñ içün esas vazifelerimizden biri, kritik astyapını yañıdan qurmaq olacaqtır. Mında bizim halqara ortaqlarımıznıñ destegi müim olacaqtır”, – dep vitse baş nazir qayd etti.