ReNazirligi, Ukrainanıñ telükesiz bölgelerinden tahliye trenleri vastasınen çıqqan vatandaşlarğa ödemeler yapmaq içün para üleştirmege devam ete. Keçken aydan başlap nazirlik, tahliye avtobuslarını da qullanğan vatandaşlarğa ödemelerni yapmağa başladı.

Trenniñ kelgeni yerde trenden ingen soñ tahliye etilgen insanlar tamam vokzalda devletten maliyeviy yardım alalar. Yetişkenlerge 2 biñ grivna, balalar ve saqatlı insanlarğa ise 3 biñ grivna ödeyler. Ukrpoşta insanlarğa vastasız para ödey.

Mayıs ayında bu tür ödemelerni yapmaq içün ReNazirligi, Ukrpoştanıñ Odesa, Jıtomır, Dnipropetrovsk, Hmelnıtskıy ve Lviv müdirliklerine 20,8 mln grivna ayırıp yolladı.

Hatırlatamız ki, tahliye bedava keçirilir. Evelden yazılmaq içün yerli akimiyet organlarına hitap etmek kerek.

Bundan ğayrı eger siz tahliye etmege planlaştırsañız, ReNazirliginiñ 24 saat devamında işlegen sıcaq hattına: 15-48 telefon ete bilirsiñiz. WhatsApp/Telegram/Viber kibii messengerler vastasınen beyanat yazıp yollamaq içün şöyle telefon nomerasını qullana bilirsiñiz: (096) 078-84-33.