Kahovka GESa duşman ücümi sebebinden Herson vilâyetiniñ bazı meskün yerlerindeki telükesizlik vaziyeti ktirik oldı.

Yerli akimiyet Mıkolayivka, Olhivka, Lyovo, Tahınka, İvanivka, Tokarivka, Ponâtivka, Prıdniprovske, Sadove ve qısmen Herson meskün yerlerinden tahliye ilân etti.

 Ealiniñ avtobuslar vastasınen Hersonğa, ondan Mıkolayevge ve o yerden endi Hmelnıtskıy, Odesa, Kropıvnıtskıy, Kıyiv ve başqa şeerlerge tahliyesi devam ete.

Sakinlerni eñ kerekli eşyalarnı toplap, tahliye avtobuslarını beklemege çağıra.

Bundan ğayrı saat 12:00de Hersondan Mıkolayivge bedava tahliye treni ketecek.

Tınç yaşağan ealiniñ tahliye meseleleri idare ştabınıñ nevbetten tış oturışı keçirildi. Tahliye, yerleştirüv, tahliye etilgen ealiniñ ilk kerekli ihtiyaclarını temin etüv meseleleri acele tarzda çezilecek.

Öz ve aqrabalarınıñ ayatını saqlamaq içün Herson vilâyetiniñ sakinlerini adiy telükesizlik qaidelerini riayet etmege çağıra:

• bütün elektrik cihazlarnı söndürmek;
• bütün vesiqalar ve ilk kerekli eşaylarnı toplamaq;
• yaqınları ve ev ayvanları aqqında tüşünmek;
• qurtarıcılar ve politsiyacılarnıñ talimatını riayet etmek.

Tahliyenen bağlı sualleriñiz olsa, yerli akimiyetke hitap etiñiz ya da ReNazirliginiñ buhran meseleleri sıcaq hattınıñ nomerasına telefon etiñiz: 15-48.