ICTV telekanalınıñ canlı yayınında vitse baş nazir İrına Vereşçuk qart, az mobil ve hasta insanlarnı Kahovka GESnıñ patlamasınen bağlı felâket zonasını vaqtınca terk etmege çağırdı.

Vitse baş nazirniñ sözlerine köre, Herson vilâyetindeki gumanitar felâket bitmedi ve kelecekte bizni ciddiy çağıruvlar bekleycekler. Bu tek suv degil, onen bağlı neticeler de. Bundan ğayrı laf, sanitar-qırğınlıq vaziyeti, mina telükesi ve çoq başqa sebepler aqqındadır.

“Felâketniñ ortasında bulunğan insanlarnı tahliye etmege rica etem. Ayrıca az mobil, qart ve hasta insanlarnı. Neticeler al etilmegence ve vaziyet normalleşmegence telükesiz yerde beklemek kerek”, – dep İrına Vereşçuk hulâsa çıqardı.

Hatırkatamız ki, suv basıluvdan zarar körgen insanlar yardım almaq içün Herson VAMniñ sıcaq hattıa hitap ete bilirler: 0 800 330 951, (091) 481-78-45. Ya da ReNazirliginiñ buhran meseleleri sıcaq hattına telefon ete bilirler: 15-48.