Tek haberler telemarafonı vaqtında vitse baş nazir İrına Vereşçuk bunı bildirdi. O qoştı ki, yardım etmege istegen insanlar çoq. Adiy ukrainalılar, göñülliler, hayriye teşkilâtları, halqaracılar ve başqaları yardımını kösterdiler.

Memur qayd etti ki, Kahovka GESnıñ patlamasınıñ neticelerini yoq etici ştabnen ve Herson VAMnen öz areketlerini idare etmek müimdir. Çünki suv, aşayt mahsulatı ve ilk kerekli eşyalardan ğayrı, felâket yerine yaldav aletleri, genetarorlar, suv alıcı pompalar kerek. Ştab ve VAM, bu ihtiyaclar aqqında tafislâtlıca malümatqa saip olalar.

“Yardımnıñ er bir yönelişi idare etilmeli. Herson ve Dnipropetrosk vilâyetlerinde çalışqan insanlarğa ricam bar: qatılıñız, amma ihtiyaclarnı ögrenmek içün birinciden ştabğa ve VAMne hitap etiñiz. Bizim orta ğayretlerimizni eñ semereli tarzda qullanmaq içün”, – dep vitse baş nazir qayd etti.