Esirlerniñ daa bir deñişmesi keçirildi. Evge daa 95 mudafaacı qaytarıldı.

Şu cümleden, Ukraina Silâlı Quvetleriniñ 51 askeri (şu cümleden 15 topraq mudafaacısı), 11 sıñırcı, 29 milliy gvardiyacı ve 4 deñizci-asker muvafaqiyetnen azat etildi.

Olar arasında Mariupolnıñ (şu cümleden Azovstaldan), “Zmiyinıy” adasınıñ mudafaacıları ve ÇAESda esirlikke alınıp tutulğanlar.

Bundan ğayrı, qırşavlanğan Mariupolğa Azovstalğa helikopternen uçqan mahsus operatsiyanıñ iştirakçileri muvafaqiyetnen qaytarıldı.

Azat etilgen ukrainalılar aralarında üç insan, “kişini qıdıruv” statusında edi. Yani Ukraina, duşman tarafından reineler olaraq resmen tanınmağan askerlerni de qaytarır.

Deñişme Prezident Ofisi, Ukraina Mudafaa Nazirliginiñ İstihbarat Baş İdaresi ve Ukraina Telükesizlik Hızmeti, İİN, Reintegratsiya nazirligi ve başqa müessielerniñ yardımınen keçirildi.

ReNazirligi uzurında Milliy malümat bürosı (MMB), esirlikten azat etilgen insanlarnı adetince ilk kerekli eşyalarnen arqa çantalarınen temin etti.

Bundan ğayrı, MMB esirlikten azat etilgen insanlarğa vesiqalar, bank esapları ve sim-kartlarnı yañıdan almağa yardım ete. Ve olarnıñ devletten 100 biñ grivnalıq bir kerelik para yardımını almaları içün ozğaruv temin ete.