Vitse baş nazir İrına Vereşçuk, müessiselerarası buhran ştabınıñ azırlıq oturışında iştirak etti.

Energetika naziri Herman Haluşçenkonıñ başlığınen tedbir keçirildi. Anda Müit ve tabiat resurslarını qorçalav naziri Ruslan Strilets, NAEK “Enerhoatom”nıñ prezidenti Petro Kotin, Ukraina devlet özek idaresi teftişliginiñ Başı Oleh Korikov, FVDH, Zaporijjâ, Dnipropetrovsk, Mıkolayiv ve Herson vilâyet arbiy memuriyetleriniñ vekilleri iştirak ettiler.

Ştabnıñ işiniñ esas maqsadı, rus işğalciler tarafından zapt etilgen ZAESda vaziyetke dair malümatnı talil etmekt, vaqialarnıñ stsenariylerini tüşünmek ve mümkün olacaq terrorcılıq aktı vaqtında qarşılıq talimatın azırlamaqtır.

Acele qarşılıq köstermek içün ştab, Enerhoatom, FVDH ve Devlet özek idaresi teftişliginiñ qullanğanlaı aletlerinden bilgiler alır. Bundan ğayrı stantsiyada Halqara atom energiya agentliginiñ (HAEA) dört mütehassısı bulunır. Olarnıñ beyanatlar ve vaziyetni nezaret etüvge dair faal menfaatı olğanları müimdir.

Oturışta qayd etildi ki, şimdi bloklardan biri “sıcaq toqtatuv rejiminde çalışmağa devam ete. İşğalciler, onıñ “suvuq toqtatuv” rejimine keçirilmesini añlı tarzda bloklaylar. Bu, özek obyektinde terrorcılıq telükesiniñ seviyesini pek arttıra.

Buña baqmadan bütün acele hızmetler vaqialarğa azırlar. Maqbul orta areketler protokolları azırlandı.

Olarnı tafsilâtlıca işetmek içün ştab merkeziy, bölge ve yerli hızmetlerinen beraber maqbul kütleviy oquvlarnı keçermege qarar berdi.