Vitse baş nazir İrına Vereşçuknıñ başlığınen Cenk vaziyeti şartlarında ealiniñ mecburiy tahliyesini keçirüv meseleleri idare ştabınıñ oturışı keçirildi.

 

Anda vilâyet arbiy memuriyetleri, “Ukrzaliznıtsâ” ATnıñ vekilleri ve başqaları iştirak ettiler.

 

İştirakçiler, Zaporijjâ AESda qaza vaqtınca icra akimiyetiniñ merkeziy ve yerli organlarınıñ areketler planını muzakere ettiler.

 

Ealiniñ daa telükesiz bölgelerge tahliye meselesine diqqat celp ettiler. Birinciden balalar, qart ve az mobil olğan insanlarnıñ tahliyesine.

 

VAMniñ vekilleri, tınç yaşağan ealiniñ tahliyesine azırlamalarğa dair esap berdiler. Aynı zamanda alğan cemaatlarnıñ vekilleri, tahliye etilgen insanlarnı almağa azır olmalarına dair haber berdiler.

 

Şu cümleden, vitse baş nazir “Ukrzaliznıtsâ” ATa ve vilâyet arbiy memuriyetlerine tahliye içün eñ oñaytlı yollarnı tapmağa avale etti.

 

“Biz cenktemiz. Bunıñ içün er bir vaqiağa azır olmalımız. Bizim areketlerimiz açıq-aydın ve idare etilgen olmalılar”, – dep İrına Vereşçuk qayd etti.