Cenkten qaçaraq, ukrainalılarnıñ büyük qısmı Avropada mesken taptı. Kıyiv dünya iqtisadiyatı institutınıñ bilgilerine köre avropa ülkeleriniñ ükümetleri, ukrainalılarğa mesken bermek içün eñ az 43 mlrd yevro endi ayırdılar. Masraflar arasında para ödemeleri, mesken, tibbiy yardım, tasil hızmetleri, aş ve ilk kerekli eşyalarnen temin etüv.

Ukrainalılarnı yerleştirgen avropa ülkeleri arasında Lehistan eñ çoq para – eñ az 12 mlrd yevro qullandı. Ekinci yerde ise Almaniya. Onıñ ukrainalılarğa masrafları, deyerli 11 mlrd yevro oldı. 

Ukrainalılarnı yerleştirmek içün Çehiya (2, 94 mlrd yevro), Frenkistan (2, 04 mlrd yevro), Romaniya (1, 26 mlrd yevro), İsviçre (1, 16 mlrd yevro) ve İtaliya (1, 15 mlrd yevro) para ödedi.

Bundan ğayrı araştırmada qayd etildi ki, avropa ülkeleriniñ adiy vatandaşları ukrainalılarğa yardım etmege büyük isse qoydılar.