Bugün esirlerniñ daa bir deñişmesi keçirildi. Duşman esirliginden daa 43 mudafaacı ve 2 tınç yaşağan vatandaş qaytarıldı. Bundan ğayrı, qanunsız olaraq ketirilgen eki bala Ukrainağa muvafaqiyetnen qaytarıldı.

Şu cümleden, Ukraina Silâlı Quvetleriniñ 28 askeri (şu cümleden 10 topraq mudafaacısı), 4 sıñırcı, 10 milliy gvardiyacı ve 1 deñiz asleri esirlikten azat etildi.

Donetsk, Zaporijjâ, Harkiv ve Herson yönelişlerinde, Mariopol şeerinde olar Ukrainanı qorçalay ediler.

Azat etilgen qorçalayıcılar aralarında eki insan habersiz ğayıp olğan kişi statusında edi.

Bundan ğayrı 2 tınç yaşağan sakin evge qaytarıldı: “Azovstal” zavodınıñ işçisi ve Hersondan faalcı.

Ukraina Yuqarı Şurasınıñ insan aqları vekili Dmıtro Vubinetsnen işdeşliginde qanunsız olaraq ketirilgen eki bala Ukrainağa qaytarıldı. Olarnıñ anası – arbiy tibbiyetçi – 2022 senesi ekim ayında tecavuzcı bir devletniñ esirliginden azat etildi.

Deñişme Prezident Ofisi, Ukraina Mudafaa Nazirliginiñ İstihbarat Baş İdaresi ve Ukraina Telükesizlik Hızmeti, İİN, ReNazirligi ve başqa müessielerniñ yardımınen keçirildi.

ReNazirligi uzurında Milliy malümat bürosı (MMB), esirlikten azat etilgen insanlarnı adetince ilk kerekli eşyalarnen arqa çantalarınen temin etti.

Bundan ğayrı, MMB esirlikten azat etilgen insanlarğa vesiqalar, bank esapları ve sim-kartlarnı yañıdan almağa yardım ete. Ve olarnıñ devletten 100 biñ grivnalıq bir kerelik para yardımını almaları içün ozğaruv temin ete.