Vitse baş nazir İrına Vereşçuknıñ başlığınen tedbir keçirildi. Anda ReNazirligi, İçtimaiy siyaset nazirligi, Milliy içtimaiy hızmet, Milliy malümat bürosı, VAM, balalar meseleleri hızmetleri, başqa müessiseler ve teşkilâtlarnıñ vekilleri iştirak ettiler.

 

Şu cümleden vasiylikke alınğan bilgen balalarnı merkezleştirilgen tarzda sicilge kirsetüv meseleleri ve balalar meseleleri yerli hızmetleriniñ Milliy içtimaiy hızmetnen işdeşligi muzakere etildi.

 

Birinciden bu, olarnıñ mümkün olacaq vasiylikke dair balalarnıñ aqlarını qorçalav ceetinden müimdir. Oturışnıñ iştirakçileri şuna diqqat celp ettiler: merkezleştirilgen sicil, maqbul hızmetkerge balalarnıñ aqlarını qorçalamaq içün daa çoq imkân berir.

 

Daa bir kün mevzusı – balanı vasiylikke almağa qarar bergen insanlarnı azırlamaqtır. Şu anda o, offline formatta keçirilir. 

 

İrına Vereşçuk qayd etti ki, cenk şartlarında oquvnıñ nazariy qısmını online formatta da keçirmek mümkün. Bu, azırlav ceryanını tezleştirecek ve neticesinde statuslı balalarnıñ vasiylik aqqını çabikçe kerçekleştirmege imkân berecek.

 

“Biz, oquv ceryanını çabikçe keçirmelimiz. Azırlav ceryanınıñ dinamik keçmesi ve vasiylik namzetleriniñ eñ çabik tarzda balanı vasiylikke alma imkânını almaları içün vilâyetlerde trenerlerniñ kerekli sayısını tesbit etmek kerek”, – dep İrına Vereşçuk qayd etti.