AQŞnıñ halqara inkişaf agentliginiñ (USAID) “Ukrainanıñ raqip ola bilgen iqtisadiyatı” programması çerçivesinde kiçik ve orta qayta işlev müessiseleri öz inkişafına 150 biñge qadar dollarlıq grant ala bilirler. İqtisadiyat nazirligi bu aqqında haber berdi.

 

Programma çerçivesinde 75ten 150ge biñ dollarlıq 25 grant berilecek.

 

Grantlar, kiçik ve orta müessiselerniñ aşağıdaki faaliyetine yardım etecekler:

 

• yañı mahsulatnı imal etüv;

 

• istisalnıñ modernleşmesi;

 

• insan el emeginiñ qısqartılması ve daa yüksek ihtisaslı iş yerlerini yaratuv;

 

• resurslarnıñ qullanılmasınıñ semereligini arttıruv;

 

• ukrain çarşısında ital deñiştirüv ve/ya keçenlerde rus ve belarus mahsulatınıñ alğanları yerlerge ukrain mahsularını ihrac etüv;

 

• yañıdan quruv içün kerekli mahsulatnıñ istisaliniñ yerleştirilmesi;

 

2023 senesi ilk qış ayınıñ 15-ine qadar ariza yollamaq mümkün.

 

Bağlantığa basıp ariza berüv, kerekli vesiqalar ve saylav kriteriylerinen bağlı tafsilâtlıca malümat oqumaq mümkün.