Vitse baş nazir İrına Vereşçuknıñ başlığınen Askerler ve veteranlarnı protezleştirüv meseleleri oturışı keçirildi.

Anda ReNazirligi, İçtimaiy siyaset nazirligi, Veteranlar nazirligi, Sağlıq nazirligi, İİN, İqtisadiyat nazirligi, Mudafaa nazirligi, DMH, UDSHniñ vekilleri, VAMniñ uzurında keçenlerde teşkil etilgen Ealini destek idare-mesleat merkezleriniñ reberleri ve halqara teşkilâtlarnıñ vekilleri iştirak ettiler.

Oturış vaqtında askerlerni protezleştirüv ceryanını çabikleştirüv meselesine diqqat ayırıldı. Çünki protez almaq içün askerler bir qaç bürokratik protseduradan keçirmek kerek. Şu cümlede, qaysı şartlar astında el-ayaqlarını coyulğanını tasdıqlağan vesiqa almaq.

Bundan ğayrı, ecnebiy ülkelerde protezlerni alğan ve Ukrainağa qaytqan cenk veteranlarını ozğarmağa temin etüv ceryanına da diqqat celp etildi.

Yaralanğan ve esirlikten azat etilgen askerlerge ruhiy yardım etüv tek protokolını yaratuv meselesi de muzakere etildi.

Vitse baş nazir, bu tür vesiqanıñ yaratılması maqsadınen standartlarnı tüşünip azırlamaları içün müessiseler arasında idarege çağırdı. Çünki ruhiy reabilitatsiya – veterannıñ cemaatqa faal reintegratsiyasınıñ ayırılmaz qısmıdır.

“Askerler ve veteranlarnıñ bedeniy ve içtimaiy reabilitatsiya, devletniñ prioritetleri arasındadır. Protezleştirüv – olarnıñ muvafaqiyetli reabilitatsiyasınıñ müim qısmıdır”, – dep İrına Vereşçuk hulâsa çıqardı.