Onıñ başlığınen keçirilgen cenk veteranları ve askerlerge ruhiy ve başqa hızmetlerni berüvnen bağlı oturış vaqtında vitse baş nazir İrına Vereşçuk bunı qayd etti.

Oturışta ReNazirligi, İçtimaiy siyaset nazirligi, Veteranlar nazirligi, Sağlıq nazirligi, İİN, İqtisadiyat nazirligi, Maliye nazirligi, İBİ, USQniñ vekilleri, VAMniñ uzurında teşkil etilgen Ealini destek idare-mesleat merkezleri, arbiy hastahanelerniñ reberleri ve başqaları iştirak ettiler.

Oturışta veteranlar içün hızmetlerniñ sayısını arttıruv ve yerlerde taraflı yardım berme imkânlarını pekitüv meselelerine diqqat celp etildi.

Bundan ğayrı, iştirakçiler askerlerni protezeştirüv meselesini muzakere ettiler.

Vitse baş nazir qayd etti ki, veterannıñ hızmet bericilernen munasebet mehanizmini azırlamaq kerek. Veterannıñ şahsiy ihtiyaclarına köre bütün içtimaiy ve başqa kerekli hızmetlerni oña bermek kerek.

Bundan ğayrı mobil gruppalı veteranlarğa hızmet bergen merkezlerniñ işiniñ pekitmesini muzakere ettiler. Bu qarar, çağıruvlarğa acelen ve yerlerde qarşılıq kösterme imkânı yaratacaq. 

Veteranlarğa ruhiy yardım etüv meselesine de diqqat ayırdılar.

“Veteranlar içüm keyfiyetli ve irişilir ruhiy destek almaq soñ derecede müimdir”, – dep memur qayd etti.

Aynı zamanda İrına Vereşçuk bildirdi ki, bütün veteranlarğa ozğaruv berüv mehanizmleriniñ tüzetilgen çalışmaları içün yerli ve devley akimiyet organları, gumanitar ve içtimaiy teşkilâtlarnıñ işdeşligi kerek.

“Er bir veterannı çoq vazifeli ozğaruvnen temin etmelimiz. Tamam o zaman onıñ reabilitatsiyası ve reintegratsiyası semereli tarzda keçecek”, – dep vitse baş nazir hulâsa çıqardı.