Laf, buhran meseleleri sıcaq hattı, DAK meseleleri vekiliniñ sıcaq hattı ve Mahsus vaziyetlerde habersiz ğayıp olğan kişiler meseleleri vekiliniñ sıcaq hattı aqqındadır.

Şu cümleden, buhran meseleleri sıcaq hattınıñ operatorları telefon vastasınen tahminen 19 biñ hitap aldılar. Bundan ğayrı, olar bu vaqıt boyunca messengerler vastasınen yollanğan 2 biñden ziyade hitapqa cevap berdiler.

Bundan ğayrı, keçken ay devamında ReNazirliginiñ call-merkeziniñ işçileri, Devlet içinde alınğan kişiler meseleleri vekiliniñ sıcaq hattına telefon vastasınen deyerli 9 biñ hitap aldılar.

Arman ayında Mahsus vaziyetlerde habersiz ğayıp olğan kişiler meseleleri vekiliniñ sıcaq hattına eñ az 19 biñ hitap yollandı. Olardan eñ az 8 biñ telefon vastasınen ve tahminen 11 biñ hitap messengerler vastasınen yollandı.

Hatırlatamız ki, qısqa nomera 15-48 vastasınen buhran meseleleri sıcaq hattına telefon etmek mümkün. Ya da (096) 078-84-33 nomerağa WhatsApp/Telegram/Viber kibi messengerlerde beyanat yazmaq mümkün.

(066) 813-62-39 telefon nomerası vastasınen DAK meseleleri vekiliniñ sıcaq hattına hitap etmek mümkün.

Eger çoq vaqıt devamında yaqınlarıñıznen bağlanıp olmasañız, Habersiz ğayıp olğan kişiler meseleleri vekiliniñ sıcaq hattına 0 800 339 247 telefon etiñiz.

Raatlıq künleri ise (095) 896-04-21 nomera vastasınen Viber ve Telegramda beyanat yazıñız. Bedava uquqiy mesleat almaq içün çalışma künleri 09:00 – 18:00 saatleri (066) 053-11-39 nomerağa telefon etiñiz.