İşğalden azat etilecek topraqlar içün hadimler yedegini teşkil etüv meseleleri oturışında bu aqqında laf ettiler. Mezkür oturış, vitse baş nazir İrına Vereşçuknıñ başlığınen keçirildi.

Tedbirde nazirlikler, Devlet hızmeti meseleleri milliy agentligi, Yuqarı adliye ğurası, UMQQB, DTB, başqa meraqlanğan organlarnıñ vekilleri ve Prezidentniñ Qırım MCdeki daimiy vekili Tamila Taşeva iştirak ettiler.

Oturışnıñ iştirakçileri, İAETda çalışmaları içün devlet organlarınıñ hadimleri yedegini teşkil etmege dair deñev leyhasınıñ yerine ketirilmesini muzakere ettiler. O, endi üç ay devam ete.

Şu anda elektron sistemada 1815 anketa qayd etildi, olardan 1631-i – endi qatıldı.

Bundan ğayrı, tasil ve tibbiy saaları işçileri yedegini şekillendirmek içün normativ-uquqiy bazanıñ azırlanması devam ete.

Oturış vaqtında İrına Vereşçuk Medeniyet nazirligi, İİN, DTB, UMQQB, Yuqarı adliye şurasınıñ vekilleriniñ maruzalarını diñledi. O qayd etti ki, endi şimdi bütün merkeziy akimiyet organları, hadimler yedegini şekillendirüv öz siyasetini azırlamalılar.

Vitse baş nazir nazirliklerge ve başqa merkeziy icra akimiyeti organlarına İAET içün hadimler yedegini şekillendirüv öz kontseptsiyalarını azırlamağa avale etti.