2022 senesi kiçik aynıñ 24-ünden berli «İrişilir kreditler 5-7-9%» devlet programması çerçivesinde umumen 141,9 mlrd grivnalıq 36,7 biñ kredit añlaşması imzalandı. Ükümet portalı bu aqqında haber berdi.

 

Şu cümleden, bu devirde banklar, iş insanlarına aşağıdaki maqsatlarğa kredit berdiler:

 

• cenkke qarşı maqsatlarğa – umumen 55,28 mlrd grivna;

 

• köy hocalığı masulatını istisal etkenler içün – 36,75 mlrd grivna;

 

• buhranğa qarşı kredit olaraq – 7,94 mlrd grivna;

 

• yatırım maqsatlarına – 6,99 mlrd grivna;

 

• bundan evel alınğan kreditlerni yañıdan maliyeleştirüv olaraq – 4,06 mlrd grivna.

 

Qayd etemiz ki, 2020 senesi kiçik aydan ükümet programması çalışa. O zamandan berli umumen 231,6 mlrd grivnalıq 71,5 biñ kredit berildi.

 

Bu sene saban ayından berli «İrişilir kreditler 5-7-9%» devlet programması, em mümkün olğan arbiy areketler topraqlarından, em de işğalden azat etilgen topraqlardan iş insanları içün çalışmağa başladı. Müessiselerni maliyeviy şekilde destek etmek ve zarar körgen bölgelerniñ iqtisadiy inkişafı içün ReNaziligi tarafından mezkür teşebbüs azırlandı.

Bağlantığa basıp, programmada iştirak şaraiti ve vekâletli banklar cedvelini oquya bilirsiñiz.