Devlet bücetiniñ yedek fondundan para ayırıldı. Dnipropetrovsk, Zaporijjâ, Mıkolayiv ve Heron vilâyetleriniñ ealisini içiril suvnen temin etmek içün bu para üleştirildi. Kahovka GES patlağanı içün mezkür bölgelerde suv teminatı sisteması bozuldı. Ükümet portalı bu aqqında haber berdi.

Umumen Ükümet, mezkür bölgelerge içilir suvnı ketirüv tedbirlerine 980,5 mln grivna ayırıdı. Olardan:

• Dnipropetrovsk vilâyetine – 295,1 mln grivna,
• Zaporijjâ vilâyetine – 26,3 mln grivna,
• Mıkolayiv vilâyetine– 274,6 mln grivna,
• Herson vilâyetine – 384,5 mln grivna.

Hatırlatamız ki, keçenlerde Ükümet, Mıkolayiv ve Herson vilâyetleriniñ zarar körgen ealisine maliyeviy para yardımına 565 ml grivna ayırdı. 

Bundan ğayrı, Kahovka GES patlağanı içün bereketini coyğan insanlarğa para yardımını ödemek içün 271,46 mln grivna ayırmağa qarar berdi. Bozulğan ya da viran etilgen evlerni yañıdan quruv yañı bücet programmasına 980 mln grivna ayırdı