AQŞnıñ Ükümeti, rusiyeniñ arbiy-sanayı kompleksine ait olğan rus bayları, memurları ve şirketlerine qarşı yañı sanktsiyalarnı kirsetti. Öz saytında AQŞ Maliye nazirligi bu aqqında haber berdi.

Deyerli 150 bedeniy ve uquqiy insan, sanktsiya cedveline kirsetildi. Birinciden rus arbiy-sanayı kompleksine, raketalar ve ücüm uçucısız aletleriniñ yapılmalarına ait olğan, elektron cihazlar ve parçalarnı ketirgen insanlarğa qarşı sıñırlar kirsetildi. 

Rusiyeniñ Ukrainağa qarşı cenkni devam etme qabiliyetini pekiterek, rus akimiyetini destek etkenler, sanktsiyalar astında oldıla. Şu cümleden, rusiyeniñ energiya taşıyıcılarnıñ ihracı ve yapılmasını kenişletken, madencilik ve gidroqurucılıq saalarında faaliyet yapqan tahminen 70 bedeniy ve uquiy insanlarğa qarşı sıñırlamalar kirsetildi.

RFnıñ Ukrainağa qarşı cenkni devam etme qabiliyetini yoq etmek maqsadınen Amerika Qoşma Ştatlarınıñ ğayretleri çerçivesinde mezkür sıñırlamalar kirsetildi.