Ükümet, Reintegratsiya nazirliginiñ qırımtatar milliy areketiniñ faalcisi Edem Bekirovğa Levko Lukyanenko adına devlet stipendiyasını tayin etüv aqqında teşebbüsini destek etti.

Öz faal grajdan nazar noqtası ve uquq qorşalayıcınıñ qarşılıq areketinde iştiraki sebebinden işğal akimiyeti tarafından 7 senege qanunsız “maküm etildi”.

2018 senesi dekabr ayından 2019 senesi iyül ayına qadar Edem Bekirov serbetsiz yerlerde buluna edi ve deñişüv çerçivesinde azat etildi. Onıñ sağlığınen ciddiy meselelerine baqmadan küreşmege devam ete edi.

Hatılatamız ki, 2018 senesinden Levko Lukyanenko adına devlet stipendiyası, bu kişilerniñ içtimaiy ya da siyasiy faaliyeti sebebinden Donetsk ve Lugansk vilâyetlerindeki ve Qırım Muhtar Cumhuriyetindeki vaqtınca işğal etilgen topraqlarnı kontrol astında tutqan Rusiye Federatsiyası ya da RF işğal memuriyeti tarafından qanunsız olaraq tevqif olğan ukrain vatandaşları içün tayinlenmekte.

Ödemeler, qanunsız tutuluv devrinde ve azat etilgenden soñ 1 sene devamında yapıla. Devlet stipendiyasınıñ miqdarı – çalışa bilgen kişiler içün üç yaşayış azğarıdır.