Avropa parlamentiniñ mebusları, 2021-2027 seneleri ABniñ bücetini yañıdan baquv rezolütsiyasını destek ettiler. Oña köre Ukraina içün 50 milliard yevrolıq mahsus fond teşkil etilir, dep organnıñ resmiy saytında haber berdiler.

Ukrainada iqtisadiy ve içtimaiy vaziyetni tüzleştirmek ve cenk neticelerini yoq etmek içün AB, yañı maliyevi usulnı qullanacaq.

Baş nazir Denıs Şmıhal qayd etti ki, endi kelecek sene Ukraina, fonddan 18 milliard yevrolıq birinci yatırımını almağa planlaştırır. İçtimaiy ödemeler, pensiya, ekimler ve ocalarnıñ aylığına bu para qullanılacaq.