Bugünki müessiseler arası oturışta bu aqqında laf ettiler. Onıñ iştirakçileri, duşman esirliginden azat etilgen insanlarnıñ kompleksli tedaviylenüvinen bağlı devlet siyaseti kontseptsiyasını muzakere ettiler.

Tedbirde vitse baş nazir İrına Vereşçuk, Sağlıq naziri Viktor Lâşko ve bunen bağlı olğan müessiseler iştirak ettiler.

Kontseptsiyanıñ maqsadı, esirlikten azat etilgen insanlarnı keyfiyetli tibbiyet, reabilitatsiya ve ruhiy yardımnen tamin etmektir. Bu, em vatandaş reineleri, em de esirlikten azat etilgen askerlerge berilmeli.

İştirakçiler razı oldılar ki, maqbul devlet siyaseti, üç yönelişte kerçekleştirilmeli:

– tibbiy (ruhiy yardımnen beraber);

– içtimaiy qorçalav;

– reintegratsiya (yani sabıq esirlerniñ tedaviylenmesi ve adiy ayatqa qaytarılması).

Vitse baş nazir qayd etti ki, devlet, sabıq esirlerniñ aqları ve itibarını qorçalamağa kefalet etmeli. Bundan ğayrı, o qoştı ki, bu insanlarnıñ ruhiy reabilitatsiya meselesi ayrıca idare etilmeli.