Vitse baş nazir İrına Vereşçuknıñ başlığınen mezkür oturış keçirildi.

Anda Kolotılivka (rf) – Pokrovka (Ukraina) keçit noqtasınen Ukrainanıñ kontrol etkeni topraqlarına qaytqan insanlar içün uyğun şartlarnı temin etüv ve qış mevsimine azırlıq mevzularını muzakere ettiler.

Arman ayınıñ başından bu keçit noqtası vastasınen eñ az 10 ukrain vatandaşı Ukrainağa qayta bildi. Çoqusı allarda olar Zaporijjâ, Herson, Donetsk ve Luhansk vilâyetleriniñ işğal etilgen topraqlarından insanlardır.

Sıñırnı keçken insanlarnıñ qısqa bulunmaları içün bir bina ayırıldı. O, bütün kerekli şeylernen, şu cümleden bala odasınen abadanlaştırıldı.

O yerden insanlar, tren vastasınen kerekli yerge kete bilirler. Bundan ğayrı, olar içün mahsus avtobus keter.

Er kün akimiyet ve içtimaiy teşkilâtlarnıñ vekilleri, Sumı-Kıyiv treninen kelgen tahliye etilgen insanlarnı qarşılaştırırlar. Anda olarğa çoq taraflı yardım eterler ve 2-3 biñ grivnalıq devlet yardımını öderler.

Oturışta halqara ve içtimaiy teşkilâtlarnıñ vekilleri, Sumı vilâyetinden tahliye etilgen insanlarğa para, aşayt ve aşayt olmağan yardımnı berüv ceryanınıñ kerçekleştirilmesi aqqında esabat berdiler.

Bundan ğayrı, tahliye etilgen insanlarnı mobil bağ paketlerinen temin etmek ihtiyacı tesbit etildi.

Tahliyenen bağlı sualleriñiz olda, Sumı VAMniñ sıcaq hattına: (0542) 77-99-55 ya da ReNAzirliginiñ 24 saat işlegen sıcaq hattına: 15-48 telefon ete bilirsiñiz. WhatsApp/Telegram/Viber messengerlerine de beyanat yazıp yollaya bilirsiñiz: (096) 078-84-33.